७ जेठ, काठमाडौँ । प्रतिनिधिसभाको आजको बैठक सुरु हुनेबित्तिकै श्रम संस्कृति पार्टीका सांसदहरूले आ–आफ्नो स्थानबाट उठेर बोल्न समय माग गरेका छन् ।
सभामुख डोलप्रसाद अर्यालले त्यसपछि पार्टीका अध्यक्ष हर्कराज राईलाई बोल्न समय दिएका थिए । राईले जनताको सार्वभौम थलो प्रतिनिधिसभामा प्रधानमन्त्री र मन्त्रीहरू नियमित रूपमा उपस्थित हुनुपर्ने र सांसदहरूले उठाएका प्रश्नको स्पष्ट जवाफ दिनुपर्ने बताएका छन् ।
उनले प्रधानमन्त्री वालेन्द्र शाहले गृह तथा रक्षासहितका मन्त्रालयको कार्यभार सम्हालिरहेको अवस्थामा सीमा सुरक्षा, सुकुमवासी व्यवस्थापन लगायतका विषयमा सरकारको धारणा सदनमै स्पष्ट गर्न माग गरे ।
अध्यक्ष राईले सरकार संसद्प्रति जिम्मेवार र जवाफदेही बन्नुपर्नेमा जोड दिएका थिए ।
उनको भनाइपछि सभामुख अर्यालले उठाइएका विषयप्रति आफ्नो ध्यानाकर्षण भएको बताउँदै श्रम संस्कृति पार्टीका सांसदहरूलाई आसन ग्रहण गर्न आग्रह गरेका थिए ।
टिप्पणीहरू
टिप्पणी लेख्नुहोस्