७ जेठ, काठमाडौं । प्रतिनिधिसभा बैठकमा विपक्षी दलहरूले प्रधानमन्त्री बालेन शाहको खोजी गरेपछि सभामुख डीपी अर्याल प्रधानमन्त्रीलाई भेट्न पुगेका छन् । सदनमा प्रधानमन्त्री उपस्थित गराउन माग चर्किएपछि सभामुखले संसद् बैठक स्थगित गरेर प्रधानमन्त्रीसँग भेटवार्ता गरेका हुन् ।
प्रधानमन्त्री शाह र सभामुख अर्यालबीच करिब आधा घण्टा छलफल भएको बताइएको छ । भेटमा संसद्को पछिल्लो अवस्था, विपक्षी दलहरूको विरोध तथा प्रधानमन्त्रीको उपस्थितिका विषयमा कुराकानी भएको स्रोतले जनाएको छ ।
प्रतिनिधिसभा बैठकमा विपक्षी सांसदहरूले प्रधानमन्त्री दिनहुँ सदनमा उपस्थित हुनुपर्ने माग गर्दै प्रश्न उठाइरहेका छन् । उनीहरूले प्रधानमन्त्रीलाई संसद्मा बोलाउन सभामुखले औपचारिक रुलिङ गर्नुपर्ने मागसमेत गर्दै आएका छन् ।
तर सभामुख अर्यालले हालसम्म प्रधानमन्त्रीलाई उपस्थित गराउन रुलिङ गरेका छैनन् । यसै विषयलाई लिएर विपक्षी दलहरूले बैठकमा निरन्तर दबाब बढाउँदै आएका छन् ।
टिप्पणीहरू
टिप्पणी लेख्नुहोस्