स्थानीय तहबाटै नापी तथा मालपोत सेवा प्रवाह गर्ने सरकारी योजनामा २०७ वटा पालिकाले चासो देखाएका छन् ।
Ministry of Land Management, Cooperatives and Poverty Alleviation ले एक साताअघि नापी तथा मालपोत कार्यालयको सेवा स्थानीय तहबाटै सञ्चालन गर्न इच्छुक पालिकाहरूलाई आवेदन दिन आह्वान गरेको थियो । सोही अनुसार बिहीबारसम्म २०७ वटा पालिकाले सेवा सञ्चालन गर्न इच्छुक रहेको भन्दै मन्त्रालयमा निवेदन पठाएका छन् ।
इच्छुक पालिकामध्ये Dharan Sub-Metropolitan City, Ghorahi Sub-Metropolitan City, Bharatpur Metropolitan City, Pokhara Metropolitan City र Dhangadhi Sub-Metropolitan City प्रमुख रूपमा रहेका छन् ।
त्यस्तै, हुम्लाको सर्केगाड गाउँपालिका, इलामको चुलाचुली गाउँपालिका, सर्लाहीको चक्रभट्टा गाउँपालिका, कञ्चनपुरको बेलडाँडी गाउँपालिका लगायतका स्थानीय तहहरूले पनि सेवा लिन तयार रहेको जानकारी दिएका छन् ।
मन्त्रालयले प्राप्त निवेदनहरूको अध्ययन सुरु गरेको छ । पहिलो चरणमा केही पालिकालाई छनोट गरी नापी तथा मालपोतसम्बन्धी सेवा हस्तान्तरण गर्ने तयारी भइरहेको मन्त्रालयले जनाएको छ ।
पालिका छनोट गर्दा सेवाग्राहीको चाप, भौगोलिक पहुँच र व्यवस्थापन क्षमता मुख्य आधार हुने बताइएको छ । कम भिडभाड भएका साथै बढी सेवा चाप भएका दुवै प्रकारका पालिकालाई प्राथमिकतामा राखिने जनाइएको छ ।
मन्त्रालयका अनुसार सम्बन्धित जिल्लाका नापी तथा मालपोत कार्यालयका अधिकारीहरूलाई तत्काल स्थलगत अनुगमनका लागि खटाइएको छ । साथै, सेवा प्रवाहका लागि आवश्यक प्राविधिक जनशक्ति र पूर्वाधार तयारी पनि अघि बढाइएको छ ।
मन्त्रालयले कर्मचारीहरूलाई आवश्यक तालिम र अभिमुखीकरण दिने तयारी गरेको छ । एक साताभित्रै सबै तयारी पूरा गरेर केही पालिकामा सेवा हस्तान्तरण सुरु गर्ने लक्ष्य रहेको मन्त्रीको सचिवालयले जनाएको छ ।
टिप्पणीहरू
टिप्पणी लेख्नुहोस्