परराष्ट्रमन्त्री Shishir Khanalले कालापानी र लिपुलेक क्षेत्र नेपालको अभिन्न भूभाग भएको दोहोर्याउँदै नेपालको सहमतिबिना भारत र चीनबीच यस क्षेत्रसँग सम्बन्धित कुनै पनि सम्झौता स्वीकार्य नहुने स्पष्ट पारेका छन्।
भारतको राजधानी Delhiमा सञ्चारकर्मीसँग कुरा गर्दै मन्त्री खनालले कैलाश मानसरोवर यात्रा विभिन्न सीमा नाकामार्फत सञ्चालन हुने र धेरै तीर्थयात्री नेपाल हुँदै यात्रा गर्ने गरेको बताए। तर नेपालको मुख्य चासो भारत र चीनबीच कालापानी–लिपुलेक क्षेत्रसँग सम्बन्धित सम्झौता नवीकरण गरिएको विषयमा रहेको उनले उल्लेख गरे।
उनका अनुसार नेपालले लामो समयदेखि कालापानी र लिपुलेकलाई आफ्नो भूमि भएको स्पष्ट गर्दै आएको छ। “नेपालको सहमतिबिना भारत र चीनले आपसमा मात्र यस क्षेत्रबारे कुनै सम्झौता गर्न सक्दैनन्,” मन्त्री खनालले भने।
मन्त्री खनालले नेपालले आफ्नो आधिकारिक धारणा दुवै मुलुकसमक्ष कूटनीतिक रूपमा प्रस्तुत गरिसकेको जानकारी दिँदै असहमति कूटनीतिक नोटमार्फत समेत पठाइएको बताए।
उनले नेपालको सार्वभौमसत्ता र भौगोलिक अखण्डतासँग सम्बन्धित विषयमा सरकार दृढ रहेको उल्लेख गर्दै राष्ट्रिय हितका मुद्दामा आवश्यक कूटनीतिक पहल निरन्तर जारी रहने स्पष्ट पारे।
नेपालले कालापानी, लिपुलेक र लिम्पियाधुरा क्षेत्रलाई आफ्नो भूभाग दाबी गर्दै आएको छ। यी क्षेत्रलाई लिएर नेपाल र भारतबीच लामो समयदेखि सीमा विवाद रहँदै आएको छ। नेपालले विभिन्न कूटनीतिक र अन्तर्राष्ट्रिय माध्यममार्फत आफ्नो अडान दोहोर्याउँदै आएको छ।
टिप्पणीहरू
टिप्पणी लेख्नुहोस्