मन्त्रिपरिषद्को बैठक आज बस्ने भएको छ। बैठक बिहान ११ बजे प्रधानमन्त्री तथा मन्त्रिपरिषद्को कार्यालय, सिंहदरबारमा बस्ने तय भएको हो।
बैठकमा विभिन्न मन्त्रालयका नियमित एजेन्डामाथि छलफल हुने बताइएको छ। साथै सरकारका हालसम्मका कामकारबाही, नीति तथा कार्यक्रमको कार्यान्वयन अवस्था र समसामयिक विषयमा पनि विस्तृत समीक्षा गर्ने तयारी गरिएको छ।
पछिल्लो राजनीतिक परिस्थितिसँगै संसद्को गतिविधि तथा सरकारी निर्णय प्रक्रियाप्रति चासो बढिरहेका बेला बस्न लागेको मन्त्रिपरिषद् बैठकलाई अर्थपूर्ण रूपमा हेरिएको छ। सरकारका प्राथमिकता, प्रशासनिक सुधारका विषय र आगामी कार्यदिशाबारे समेत बैठकमा छलफल हुन सक्ने जनाइएको छ।
बैठकबाट केही प्रशासनिक तथा नीतिगत निर्णयहरू हुने अपेक्षा गरिएको छ। साथै विभिन्न मन्त्रालयबाट प्रस्तावित विषयहरूमा निर्णय गर्दै सरकारका आगामी कदम र प्राथमिकताबारे थप स्पष्टता आउने विश्वास गरिएको छ।
बैठकका निर्णयहरूबारे मन्त्रिपरिषद् बैठक सम्पन्न भएपछि औपचारिक जानकारी सार्वजनिक गरिनेछ।
टिप्पणीहरू
टिप्पणी लेख्नुहोस्