गृहमन्त्री सुधन गुरुङ ले नेपाल प्रहरीको पोशाक खरिद प्रक्रिया परिवर्तन गर्ने तयारी भइरहेको बताएका छन् । उनले पोशाक खरिदका लागि छुट्याइने रकम प्रहरीलाई नै उपलब्ध गराएर उनीहरूले आफैं आवश्यक पोशाक खरिद गर्ने व्यवस्था लागू गर्ने योजना अघि बढाइएको जानकारी दिए ।
गृह मन्त्रालयको मन्त्रालयगत बजेटमाथिको छलफलका क्रममा बोल्दै गृहमन्त्री गुरुङले पोशाक खरिद तथा टेन्डर प्रक्रियामा बारम्बार विवाद उत्पन्न हुने गरेको उल्लेख गरे । उनले यस्तो विवाद अन्त्य गर्न नयाँ प्रणाली आवश्यक भएको बताए ।
“प्रहरीको पोशाकको टेन्डर प्रक्रियामा इस्यू हुने गरेको सुनिएको छ । जति रकम पोशाकमा खर्च हुन्छ, त्यो रकम प्रहरीलाई नै दिने र आफैं खरिद गर्ने सोच बनाएका छौं,” उनले भने ।
सरकारले पोशाक खरिद प्रणालीलाई पारदर्शी र झन्झटरहित बनाउने उद्देश्यसहित उक्त विकल्पमाथि अध्ययन तथा प्रक्रिया अघि बढाउने जनाएको छ ।
टिप्पणीहरू
टिप्पणी लेख्नुहोस्