सरकारले बुधबार बसेको मन्त्रिपरिषद् बैठकका आठ वटा प्रमुख निर्णय सार्वजनिक गरेको छ। सरकारका प्रवक्ता तथा शिक्षामन्त्री सस्मित पोखरेल ले पत्रकार सम्मेलनमार्फत बैठकका निर्णय सार्वजनिक गरेका हुन्।
बैठकले नेपाल सरकारको मुख्यसचिवमा प्रधानमन्त्री तथा मन्त्रिपरिषद्को कार्यालयका सचिव गोविन्दबहादुर कार्की लाई नियुक्त गर्ने निर्णय गरेको छ। साथै शिक्षा, स्वास्थ्य, मानव अधिकार, सुशासन तथा प्रशासन सुधारसँग सम्बन्धित विभिन्न महत्वपूर्ण नीतिगत निर्णयहरू पनि स्वीकृत गरिएको छ।
मन्त्रिपरिषद् बैठकबाट स्वीकृत भएका निर्णयहरू यसप्रकार छन्–
- काठमाडौं उपत्यका विकास प्राधिकरण को विकास आयुक्त पदमा काठमाडौंका सुरज शाक्य लाई नियुक्त गर्ने।
- कैलालीस्थित गेटा अस्पताल लाई सहिद दशरथ चन्द स्वास्थ्य विज्ञान विश्वविद्यालय को शिक्षण अस्पतालका रूपमा सञ्चालन गर्न स्वीकृति प्रदान गर्ने।
- ‘विदेशी शैक्षिक कार्यक्रम सञ्चालन र नियमन नियमावली, २०८३’ स्वीकृत गर्ने।
- ‘शैक्षिक परामर्श, भाषा शिक्षण तथा तयारी कक्षा सञ्चालन र व्यवस्थापन नियमावली, २०८३’ स्वीकृत गर्ने।
- ‘कारागार नियमावली, २०८३’ स्वीकृत गर्ने।
- मानव अधिकार सम्बन्धी छैटौँ राष्ट्रिय कार्ययोजना स्वीकृत गर्ने।
- भ्रष्टाचार विरुद्धको दोस्रो रणनीतिक योजना स्वीकृत गर्ने।
- प्रधानमन्त्री तथा मन्त्रिपरिषद्को कार्यालयका सचिव गोविन्दबहादुर कार्की लाई नेपाल सरकारको मुख्यसचिव पदमा नियुक्त गर्ने।
सरकारले यी निर्णयहरू प्रशासनिक सुधार, शिक्षा क्षेत्रको नियमन, स्वास्थ्य सेवा विस्तार, सुशासन प्रवर्द्धन तथा मानव अधिकार संरक्षणलाई थप प्रभावकारी बनाउने उद्देश्यले गरिएको जनाएको छ।
टिप्पणीहरू
टिप्पणी लेख्नुहोस्